Amazing ghazal....

Heard this amazing ghazal while going thru my Jagjit collection...
wondered how i had missed its words...

bazm-e-dushman meinn bulaate ho ye kyaa karate ho
aur phir aankh churaate ho ye kyaa karate ho

baad mere koee mujh saa na milegaa tum ko
Khaak mein kis ko milaate ho ye kyaa karate ho

chintey paani ke na lo neend bharee aankhon par
sote fitnay ko jagaate ho ye kyaa karate ho

ham to dete nahin kyaa ye bhee zabardastee hai
chheen kar dil liye jaate ho ye kyaa karate ho

ho na jaaye kaheinn daaman kaa churaanaa mushkil
mujh ko devaanaa banaate ho ye kyaa karate ho