Phaank

Sookhi, banjar dharti main ek phankh.....

Pyaasi, Pathraai, door tak khinchi hui

Aur uske badan se sati huyi, sekdon nanhi nanhi phaankein,

Toh rahin ho jaise uske jeevan ke veerane ko


Soona astitiva, sooni chah, soona jeevan, nishprem awaas

Chah ek pathik ki, chah ek chirantan sakhi ki

Jaise keh rahi ho, maano to sukhe honth hon, ki

Zindagi se badi sazaa hi nahin


Aur kahin gira diya ek pakshi ne ek daana

Apna saara mamatava, apni saari aadrata

De use, di use ek zindagi, ek chaanv bhi

Kuch bacha nahi, sab luta diya, na dekha apna haal hi

Aur ho bada, khila woh phool, us sookhe registan main bhi

Failaayi apni jadein, kuch tanen, kuch mehekti bayar bhi

Bhar daala us phaank ka khaleepan, uski neeravta..

Jaise chuka raho ho udhaar, apni praandayeeni ka

Aur phir ek din, bhool gaya, ho gaya leen

Jeevan ki is apaadhaapi main....

Reh gayi woh phank phir pyaasi, akeli

Sochti hai, koi aur beej girega uski jholi main

Degi use sneh lutaar, saari mamta, saara pyaar

Aur tab tak, woh jeevit hai, is nishpraan jeevan ke saath